प्रदेश

गण्डकी प्रदेशका कोरोना सङ्क्रमित तीन सांसदलाई छुट्टै बस्ने व्यवस्था

उकेरा संवाददाता


पोखरा : गण्डकी प्रदेश सभाका तीन जना सदस्यलाई कोरोना सङ्क्रमण भएको छ। प्रदेश सभाका एक जना कर्मचारीमा पनि कोरोना सङ्क्रमण पुष्टि भएको गण्डकी प्रदेश स्वास्थ्य निर्देशनालयले जनाएको छ। 

सत्तारुढ नेकपा एमालेका सांसदले कोरोना परीक्षण गरेर मात्र प्रदेश सभाको बैठक राख्न माग गरेपछि सदस्य र कर्मचारी गरी १५१ जनाले हिजो स्वाब दिएका थिए। 

निर्देशनालयले प्रदेश सभा सचिवालयमा लिइएका स्वाब परीक्षण गर्दा तीन जना सांसद र एक जना कर्मचारीमा कोरोना सङ्क्रमण पुष्टि भएको हो। कोरोना पुष्टि भएको सांसदको स्वास्थ्य अवस्था सामान्य रहेको निर्देशनालयका निर्देशक डा. विनोद विन्दु शर्माले जानकारी दिए। 

प्रदेश सभा सचिवालयले कोरोना सङ्क्रमण पुष्टि भएका सांसदलाई छुट्टै हाजिर गराएर छुट्टै राख्ने व्यवस्था गरेको छ। कार्य व्यवस्था परामर्श समितिमा सङ्क्रमित सांसदलाई मतदान गर्न दिने सहमति भएकाले आजको बैठकमा बोल्न समय नदिने र छुट्टै राख्ने व्यवस्था भएको सचिवालयले जनाएको छ। 

प्रदेश सभामा मुख्यमन्त्री पृथ्वीसुब्बा गुरुङविरुद्ध टेबुल भएको अविश्वासको प्रस्तावमाथि छलफल हुँदैछ। दिउँसो १ बजे बस्ने बैठकमा अविश्वासको प्रस्तावमाथिको छलफल सकाएर मतदान गर्ने तयारी सचिवालयले गरेको छ।

सकेसम्म आजै अबेरसम्म बैठक बसेर भए पनि अविश्वासको प्रस्तावमाथि मतदान गराउने र नभए भोलि मतदान गराउने तयारी सचिवालयले गरेको सचिव हरिप्रसाद बास्तोलाले जानकारी दिए। 

यो खबर पढेर तपाईलाई कस्तो महसुस भयो ?

सम्बन्धित समाचार

दुई वटा प्लान्ट सञ्चालन भए पनि कर्णाली प्रदेश अस्पतालमा अक्सिजनको अभाव कायमै

कोभिड अस्पतालहरूमा अक्सिजनको माग साबिकभन्दा दोब्बरले बढेको छ। अन्य अस्पतालभन्दा प्रदेश अस्पताल सुर्खेतले अक्सिजनको संकट बढी नै झेल्नुपरेको प्रदेश अस्पताल सुर्खेतका कोरोना फोकल पर्सन डा.....

कैलालीमा थप ४ जना कोरोना सङ्क्रमितको मृत्यु

घोडाघोडी नगरपालिका १ सुखडकी ५७ वर्षीय महिला, पर्वत घर भई कञ्चनपुर पुनर्वास नगरपालिका ७ बस्ने ७६ वर्षीया महिला, कैलाली गोदावरी नगरपालिका २ का ३८ वर्षीय....

कोरोना नियन्त्रणमा गण्डकी प्रदेशः ४० प्रतिशत संक्रमणदर, ४०० आइसोलेशन, २८० आइसियु,६७ भेन्टिलेटर

कोरोनाको बढ्दो चापका कारण कास्कि लगायतका गण्डकी प्रदेश भित्रका व्यापारिक शहरहरुमा निषेधाज्ञ लागु भइसकेको छ।  हाल सम्म गण्डकि प्रदेशमा १९४२४ संक्रमीत भेटिएकोमा  १७९०० निको भएसकेका....

वीरेन्द्रनगरले सञ्चालनमा ल्यायो २५ शेैयाको कोभिड अस्पताल

कटुवा स्वास्थ्य चौकीमा निर्माण गरिएको अस्पतालको शुक्रवार नगर प्रमुख देवकुमार सुवेदी उद्घाटन गरेका हुन् । कोरोना भाइरसको नयाँ भेरियन्ट तीव्र रूपमा फैलिरहेको बेला सङ्क्रमितको सहज....

काँग्रेस सुनसरी पार्टी कार्यालयमा आइसोलेसन बनाइने, मेयरका गाडी एम्बुलेन्सको रूपमा प्रयोग 

कोइरालाले कोरोना जोखिमको मध्यनजर गरेर सबैले आआफ्नो ठाउँबाट सहयोग गर्नुपर्ने बताए। उकेरासँग कुरा गर्दै उनले महामारीको बेला पार्टी भन्दा माथि उठेर मानवीय हितको लागी लड्नुपर्ने....