प्रदेश

कैलालीमा कोरोना संक्रमण भयावह, लकडाउनको तयारी

जीवन विष्ट


धनगढी : कैलालीमा कोरोना संक्रमण भयावह बन्दै गएको छ। जिल्लामा अहिले ३ सय १० सक्रिय संक्रमित छन्। यी पिसीआर विधिबाट परीक्षण गरिएका संक्रमित हुन्। एन्टिजेन विधिबाट परीक्षण गरिएकाहरूको आधिकारिक तथ्यांक आएको छैन।

कोरोना संक्रमण भयावह बन्दै गएको भन्दै सरोकारवालाले लकडाउन गर्न स्थानीय प्रशासन समक्ष आग्रह गरेका छन्।

मंगलबार जिल्ला प्रशासन कार्यालय कैलालीमा बसेको सर्वपक्षीय बैठकले कोरोना संक्रमणलाई नियन्त्रण बाहिर जान नदिन समयमै लकडाउन गर्न सुझाव दिएको हो।

कैलाली उद्योग वाणिज्य संघका अध्यक्ष पुष्पराज कुँवरले कोरोना रोकथामका लागि लकडाउन नै प्रभावकारी विकल्प भएको बताए। अवस्था विकराल हुँदै गइरहेको छ,’ अध्यक्ष कुँवरले भने, ‘हामीसँग संक्रमितको उपचारका लागि स्वास्थ्य पूर्वाधारहरू छैनन्, त्यसैले अहिले नै लकडाउनमा जानु उपयुक्त हुन्छ।’

भारतबाट आउने सबैलाई परीक्षणको दायरामा ल्याउन अत्यन्त जरुरी रहेको उनले बताए। उनले थपे, ‘संक्रमितहरूलाई आइसोलेसनमा र रिपोर्ट नेगेटिभ आउनेहरूलाई परीक्षणपछि मात्रै घर पठाउनुपर्छ।’

कोरोना संक्रमण समुदायस्तरमै पुगिसकेको सेती प्रादेशिक अस्पतालमा कार्यरत डा निराजनदत्त शर्माले बताए। ‘संक्रमण र मृत्युदर तीव्र छ,’ उनले भने, ‘समयमै संक्रमण नियन्त्रण गर्न सकिएन भने विकराल अवस्था आउँछ।’

संक्रमितले अस्पताल भरिभराउ हुन थालेको उनले बताउ। उनले भने, ‘आइसियुमा बेड पाउनै गाह्रो भइसकेको छ। अस्पतालमा उपकरण भएर मात्रै हुँदैन, तिनलाई प्रयोगमा ल्याउने दक्ष जनशक्ति पनि चाहिन्छ, त्यो हामीसँग छैन। संक्रमितको उपचारका लागि जनशक्ति थप्न पनि आवश्यक छ।’

सुदूरपश्चिम प्रदेश सभा सदस्य रतन थापाले सक्रिय संक्रमितको सख्या बढ्दै गइरहेकाले लकडाउन गर्न आवश्यक रहेको बताए। ‘लकडाउनको विकल्प छैन, संक्रमणबाट बच्न सबैले सचेतना अपनाउनुपर्छ’, उनले भने।

सरोकारवालासँगको छलफलमा कैलालीका प्रमुख जिल्ला अधिकारी खगेन्द्र रिजालले अवस्था अनुसारको व्यवस्था गरिने बताए। संक्रमितको संख्या बढ्दै गइरहेको छ, अवस्था नियन्त्रणभन्दा बाहिर जान नदिन हामीले एक साताका लागि निषेधाज्ञा अथवा लकडाउन गर्छौँ।’

आवश्यक तयारी गरेर केही दिनमै निर्णय गरिने प्रमुख जिल्ला अधिकारी रिजालले बताए।

यो खबर पढेर तपाईलाई कस्तो महसुस भयो ?

सम्बन्धित समाचार

दुई वटा प्लान्ट सञ्चालन भए पनि कर्णाली प्रदेश अस्पतालमा अक्सिजनको अभाव कायमै

कोभिड अस्पतालहरूमा अक्सिजनको माग साबिकभन्दा दोब्बरले बढेको छ। अन्य अस्पतालभन्दा प्रदेश अस्पताल सुर्खेतले अक्सिजनको संकट बढी नै झेल्नुपरेको प्रदेश अस्पताल सुर्खेतका कोरोना फोकल पर्सन डा.....

कैलालीमा थप ४ जना कोरोना सङ्क्रमितको मृत्यु

घोडाघोडी नगरपालिका १ सुखडकी ५७ वर्षीय महिला, पर्वत घर भई कञ्चनपुर पुनर्वास नगरपालिका ७ बस्ने ७६ वर्षीया महिला, कैलाली गोदावरी नगरपालिका २ का ३८ वर्षीय....

कोरोना नियन्त्रणमा गण्डकी प्रदेशः ४० प्रतिशत संक्रमणदर, ४०० आइसोलेशन, २८० आइसियु,६७ भेन्टिलेटर

कोरोनाको बढ्दो चापका कारण कास्कि लगायतका गण्डकी प्रदेश भित्रका व्यापारिक शहरहरुमा निषेधाज्ञ लागु भइसकेको छ।  हाल सम्म गण्डकि प्रदेशमा १९४२४ संक्रमीत भेटिएकोमा  १७९०० निको भएसकेका....

वीरेन्द्रनगरले सञ्चालनमा ल्यायो २५ शेैयाको कोभिड अस्पताल

कटुवा स्वास्थ्य चौकीमा निर्माण गरिएको अस्पतालको शुक्रवार नगर प्रमुख देवकुमार सुवेदी उद्घाटन गरेका हुन् । कोरोना भाइरसको नयाँ भेरियन्ट तीव्र रूपमा फैलिरहेको बेला सङ्क्रमितको सहज....

काँग्रेस सुनसरी पार्टी कार्यालयमा आइसोलेसन बनाइने, मेयरका गाडी एम्बुलेन्सको रूपमा प्रयोग 

कोइरालाले कोरोना जोखिमको मध्यनजर गरेर सबैले आआफ्नो ठाउँबाट सहयोग गर्नुपर्ने बताए। उकेरासँग कुरा गर्दै उनले महामारीको बेला पार्टी भन्दा माथि उठेर मानवीय हितको लागी लड्नुपर्ने....