खेलकुद

त्रिदेशीय टी–२० क्रिकेट सिरिजको उपाधि नेपाललाई

उकेरा संवाददाता


काठमाडौं : नेपालले त्रिदेशीय टी–२० क्रिकेट सिरिजको उपाधि जितेको छ। कीर्तिपुरमा रहेको त्रिवि क्रिकेट मैदानमा भएको फाइनल खेलमा नेपालले नेदरल्याण्डसलाई १ सय ४२ रनले हराउँदै उपाधि जितेको हो।

टस हारेर ब्याटिङको रोजेको नेपालले निर्धारित २० ओभरमा तीन विकेटको क्षतिमा दुई सय ३८ रन बनायो। दुई सय ३९ रनको विजय लक्ष्य पछ्याउने क्रममा नेदरल्याण्डसले १७ दशमलव दुई ओभरमा सबै विकेट गुमाउँदै ९६ रन मात्र बनायो। नेदरल्याण्डसविरुद्धको खेलमा कुशल भुर्तेलले अद्र्धशतक प्रहार गरो। सिरिजमा यो उनको चौथो अद्र्धशतक हो। उनले ५३ बल खेल्ने क्रममा तीन छक्का र आठ चौका हाने  सहित ७३ रन बनाए। आशिफ शेखले १६ र कप्तान ज्ञानेन्द्र मल्लले ३३ रन बनाए। कुशल मल्लले अद्र्धशतक प्रहार गरे। उनले २४ बलमा अविजित ५० रन बनाए। उपकप्तान दीपेन्द्रसिंह ऐरीले अविजित ४८ रन बनाए। उनले  १८ बल खेल्दै तीन छक्का र पाँच चौका प्रहार गरे।  बलिङतर्फ नेदरल्याण्डसका लागि फिलिपे वोइसेविनले दुई तथा सेवास्टियन ब्राटले एक विकेट लिए ।   विजय लक्ष्य पछ्याउने क्रममा नेदरल्याण्डसले सुरुआतदेखि नै विकेट गुमाउँदै गयो।नेदरल्याण्डसले दोस्रो ओभरमै पहिलो विकेट गुमाएको थियो। उसले आठ ओभरमा छ विकेट गुमाउँदै ४३ रन बनाएको थियो। नेदरल्याण्डसका लागि म्याक्स ओडाउडले २० रन बनाए।  यस्तै कप्तान पिटस शेलारले १३ रन बनाए। अन्तिम समयसम्म सेवास्टियन ब्राटले आफ्नो टोलीलाई साथ दिए। उनले अविजित २६ रन बनाए।नेदरल्याण्डसका दुई खेलाडी रनआउट भए। बलिङतर्फ नेपालका करण केसीले तीन, कमलसिंह ऐरी र सन्दीप लामिछानेले दुई–दुई तथा अविनाश बोहराले एक विकेट लिएका थिए। लामिछानेले चार  ओभरमा २६ रन खर्चिँदै दुई विकेट लिएका थिए।  लामिछाने सिरिजमा सर्वाधिक विकेट लिने खेलाडी बने। उनले  पाँच खेलमा १३ विकेट लिएका छन्।

यो खबर पढेर तपाईलाई कस्तो महसुस भयो ?

सम्बन्धित समाचार

इङ्गल्यान्ड र क्रोएसियाको खेलमा एक दर्शक घाइते

वेम्वली स्टेडियममा इंग्ल्याण्डले १-० को अन्तरले क्रोएसियालाई जितेको सो खेलमा एक दर्शक खसेका हुन्। स्टेडियमका प्रवक्ताले खेल सुरु भए लगत्तै एक दर्शक खसेर गम्भीर घाइते....

क्रोएसियामाथि इंग्ल्यान्डको जित 

लण्डनको वेम्बली स्टेडियममा आइतबार राति सम्पन्न खेलमा उसले क्रोएसियालाई १–० गोल अन्तरले पराजित गर्याे।  इंग्ल्यान्डलाई जित दिलाउन खेलको ५७ औं मिनेटमा रहिम स्ट्रर्लिङले निर्णायक गोल....

युरो कपमा बेल्जियमको विजयी सुरुवात, लुकालुले गरे २ गोल 

रुसको सेन्ट पिटर्सवर्गमा शनिबार राति भएको खेलमा उसले घरेलु टोलीलाई ३–० गोल अन्तरले पराजित गर्याे।  बेल्जियमलाई जित दिलाउन रोमेलु लुकाकुले २ गोल गरे। यस्तै, थोमस....

युरो कप: मैदानमै बेहोस भए डेनमार्कका मिडफिल्डर

खेलको ४२ औँ मिनेटमा मैदानको टचलाइन छेउमा एक्लै हिँडिरहेको बेला डेनमार्कका मिडफिल्डर क्रिस्टियन एरिक्सन मैदानमै ढले। उनका टिमका खेलाडीहरूले उनलाई घेरा हालेर मेडिकल टिमलाई बोलाए।....

नेपालको एसियन कम छनोटको तेस्रो चरण पुग्ने सम्भावना सकियो

विश्वकप तथा एसियन कप छनोटको अन्तिम खेलमा नेपाल अस्ट्रेलियासँग ३-० ले पराजित भएको थियो। पहिलो हाफमा दुई गोल खाएको नेपालले दोस्रो हाफमा १ गोल खायो। ....