प्रदेश

कर्णालीमा माधव समूहले पनि छाड्यो मुख्यमन्त्रीको साथ,तीन मन्त्रीलाई राजीनामा गराउने निर्णय

जगतदल जनाला विक


सुर्खेत : कर्णालीका मुख्यमन्त्रीको साथ छाड्दै नेपाल कम्युनिस्ट पार्टी एमाले कर्णाली प्रदेश संसदीय दलको आइतबारको बैठकले  एमालेबाट सरकारमा गएका तीन मन्त्रीलाई २४ घण्टाभित्र राजीनामा गराउने निर्णय गरेको छ ।

‘एमालेबाट सरकारमा गएका तीन जना मन्त्रीलाई २४ घण्टाभित्र राजीनामा दिई  नयाँ सरकार गठनको वातावरण बनाउन दलले निर्देशन दिएको छ,’ बैठकमा सहभागी सांसद दानसिंह परियारले भने,उक्त निर्देशनलाई तीनै जना मन्त्रीज्यूहरुले मान्ने प्रतिबद्धता व्यक्त गर्नुभएको छ ।’

सरकारमा आर्थिक मामिला तथा योजना मन्त्री प्रकाश ज्वाला, सामाजिक विकास मन्त्री दल रावल, उद्योग पर्यटन वन तथा वातावरण मन्त्री नन्दसिंह बुढा सरकारमा सहभागी छन् ।

सोमबार एमालेको तर्फबाट सरकारमा सहभागी भएका मन्त्रीहरूले राजीनामा दिने कुराको सङ्केत अर्का सांसद सुशील थापाले पनि दिएका छन्। संसदीय दलका नेता यामलाल कँडेलको अध्यक्षतामा बसेको बैठकमा बैठकमा माधव नेपाल पक्षधरका ९ जनासहित १९ जना सांसद सहभागी थिए।

यस्तै यही चैत २४ गते दिउँसो एक बजे संसदीय दलको अर्को बैठक बस्ने सहमति भएको नेकपा एमाले संसदीय दलका नेता यामलाल कँडेलले जानकारी दिए ।

उनले चैत ५ गतेदेखि लागू हुने गरी सरकारलाई दिइएको समर्थन फिर्ता लिने निर्णयमा सरकारले कुनै पनि हेरफेर नगरेकोले अविलम्ब मार्ग प्रशस्त गर्नका लागि आग्रह गरिएको बताए ।

बैठकले दलको विधान निर्माणको लागि समिति बनाएको छ । प्रमुख सचेतक गुलावजंग शाहको संयोजकत्वमा करवीर शाही र मिना रखाल सदस्य भएको कार्यदल बनाइएको हो । २४ गतेको बैठकमा समितिले विधान पेस गर्नेछ ।

यो खबर पढेर तपाईलाई कस्तो महसुस भयो ?

सम्बन्धित समाचार

कर्णालीमा एमाले मन्त्रीको राजीनामापछि रिक्त मन्त्रालयको जिम्मेवारी भण्डारी र केसीलाई

नेकपा माओवादी केन्द्रका नेतासमेत रहेका मुख्यमन्त्री महेन्द्रबहादुर शाहीले एमाले मन्त्रीको राजीनामापछि रिक्त रहेको आर्थिक मामिला तथा योजना मन्त्रालय, उद्योग, पर्यटन, वन तथा वातावरण मन्त्रालयको जिम्मेवारी....

कर्णालीमा एमालेका तीन मन्त्रीको राजीनामा स्वीकृत

कर्णाली प्रदेशका मुख्यमन्त्री महेन्द्रबहादुर शाहीले शुक्रबार आर्थिक मामिला तथा योजनामन्त्री प्रकाश ज्वाला, सामाजिक विकासमन्त्री दल रावल र उद्योग, पर्यटन, वन तथा वातावरणमन्त्री नन्दसिंह बुढाको राजीनामा....

'मेहनत गरे गाउँमै कमाउन सकिन्छ'  

यो उनको दैनिकी हो। पूर्वी पहाड (ताप्लेजुङ, पाँचथर, इलाम) वा भारतको दार्जिलिङ घुम्न आएका पर्यटक उनको डेरीमै पुग्छन्। उनी संकलित दूधबाट चिज बनाउँछन्। त्यही चिज....

सुर्खेतको सिस्नेरी बस्तीमा आगलागी, नौ घर जले

बराहताल गाउँपालिका–९ स्थित सिस्नेरी बस्तीमा भएको आगलागीबाट नौ घर पूर्णरूपमा जलेको वडाअध्यक्ष युवराज कार्कीले जानकारी दिए। ‘आगो नियन्त्रण गर्न प्रहरी र स्थानीय तत्काल खटिएका थिए।....

गण्डकी प्रदेश : माओवादी केन्द्रका दुईजना मन्त्रीले दिए राजीनामा

आन्तरिक मामिला तथा कानुनमन्त्री हरिबहादुर चुमान र भूमि व्यवस्था, कृषि तथा सहकारीमन्त्री लेखबहादुर थापाले मुख्यमन्त्री पृथ्वी सुब्बा गुरुङसमक्ष राजीनामा पत्र बुझाएका हुन्। माओवादी केन्द्रको संसदीय....