कलासंसार

बुद्ध थिएटर फेस्टिभलमा आज सिद्धार्थको गृह त्याग’ मञ्चन हुँदै 

उकेरा संवाददाता


काठमाडौँ : भगवान् गौतम बुद्धको दर्शन तथा बोधिसत्त्वको प्रभावलाई रङ्गमञ्चमार्फत विश्वमाझ चिनाउने उद्देश्यसहित डबली थिएटरको आयोजनामा बुद्ध थिएटर फेस्टिभल सुरु भएको  छ। संस्कृतिविद् तथा साहित्यकार तुलसी दिवस, अभि सुवेदी, रङ्गकर्मी मदनदास श्रेष्ठले फेस्टिभलको औपचारिक रूपमा उद्घाटन गरे।  

फेस्टिभलको उद्घाटन गर्दै कवि तुलसी दिवसले बुद्धको ज्ञान विश्वभर फैलाउनु पर्ने भन्दै यस्ता कार्यक्रम भइरहनु पर्ने बताए। फेस्टिभलका निर्देशक पुष्कर गुरुङले फेस्टिभल आयोजना गत वर्ष नै गर्ने तयारी भएको तर कोरोना भाइरसका कारण कार्यक्रम गर्न नसकिएको बताए।

थिएटर फेस्टिभल शनिवारसम्म चल्नेछ। हरेक दिन ५ बजे बुद्ध कथामा बनेको नाटक मञ्चन हुनेछन्। हिजो फेस्टिभलको पहिलो दिन भारतीय नाटक निर्देशक डा दानी करमाकर निर्देशित ‘तथागत’ मञ्चन भएको थियो। कोरोनाका कारण कलाकारको टोली आउन नसकेपछि भारतबाट खिचेर पठाएको नाटक देखाइएको निर्देशक गुरुङले बताए। 

आज सोमबार फेस्टिभलमा विकास जोशीको निर्देशन रहेको ‘सिद्धार्थको गृह त्याग’ मञ्चन हुनेछ। यो नाटकले दुःखसँग सिद्धार्थ गौतमको साक्षात्कार र यसको  उत्तरको खोजीमा उनले गरेको मानसिक सङ्घर्षलाई प्रस्तुत गर्नेछ।

नाटकले सिद्धार्थले बुद्ध बन्न गृह त्याग गर्नुअघिको प्रसङ्गलाई समेटेको छ। १ घण्टा अवधिको नाटकको कथा प्रेम विनोद नन्दनले लेखेका हुन्। नाटकमा सुचिता उप्रेती, तुफान थापा, अस्मिता खनाल, देबिशा लामिछाने, अभिषेक शर्मा आदि कलाकारको अभिनय रहनेछ। 

भोलि मङ्गलवार भने झोराहाट नाट्य समूहको प्रस्तुति रहेको रवीन्द्रनाथ टैगोर लिखित नाटक ‘मालिनी’ मञ्चन हुनेछ। 

यो खबर पढेर तपाईलाई कस्तो महसुस भयो ?

सम्बन्धित समाचार

वर्षमा ४ वटा चलचित्र रिलिज, त्यो पनि हल खाली 

हल खुलेपछि शिव श्रेष्ठको ‘एउटा यस्तो प्रेम कहानी’, ‘गोर्खे’, ‘गुड फ्रेण्ड’ र ‘श्री’ रिलिज भएका थिए। श्रेष्ठको चलचित्रले हलमा दर्शकको मुख देख्न पाएन भने ‘गोर्खे’को....

माकुरी र एदुमे अभिनीत ‘चुरीफुरी’ असोजमा 

सार्वजनिक भएको फस्र्टलुक पोस्टरमा यसै चलचित्रमार्फत बेब्यु गरेका अभिनेता अभिषेक श्रेष्ठका साथमा डेब्यु हिरोइनहरु–पूजा पन्त, सोना बज्राचार्य र रिन्जिन गुरुङका अनि रवीन्द्र झा,शिशिर भण्डारी,दीपक आचार्य....

रामकृष्ण ढकाल र अस्मिता अधिकारीले ल्याए जनचेतना जगाउने गीत

काठमाडौं : गायक रामकृष्ण ढकाल र अस्मिता अधिकारीको जनचेतनामुलक गीत ‘सोचे भन्दा फरक संसार’ सार्वजनिक भएको छ। थालिस्मिया रोगबारे जनचेतना जगाउने उद्देश्यले तयार पारिएको सो....

‘लाल मोहन जि’ निर्देशन गर्दै ‘पासवर्ड’का सम्राट्

आर.रोसफि फिल्मस्को ब्यानरमा निर्माण हुन लागेको ‘लाल मोहन जि’का प्रस्तुतिकर्ता तथा निर्माता सगुन तण्डुकार रहेका छन्।  अभिनेत्रीको खोजी भइरहेको यस चलचित्रमा अभिनेता विपिन कार्की, अर्पण....

मदनकृष्णले नेपालमा भाइरल बनेकी युगान्डाकी गायिकासँग युगल गीत रेकर्ड गराउने 

श्रेष्ठले सामाजिक सञ्जाल फेसबुकमा स्टाटस लेख्दै युगाण्डाकी गायिका फ्यामेसीसँग गीत रेकर्ड गराउने जनाएका हुन्।  श्रेष्ठ ‘फूलबुट्टे सारी’ बोलको लिजेन्ड भर्सनका गायकसमेत हुन्। उक्त गीतको मेल,....