उकेरा अपडेट

बौद्धमा फेला परेको धुलोमा युरेनियम रहेको पुष्टि

उकेरा संवाददाता


काठमाडौँ : प्रहरीले बौद्धमा फेला पारेको साढे २ किलोको धुलोमा युरेनियम भएको नेपाल विज्ञान तथा प्रविधि प्रतिष्ठानले पुष्टि गरेको छ। महानगरीय प्रहरी परिसर काठमाडौँका प्रवक्ता एसपी रमेश बस्नेतले उकेरालाई दिएको जानकारी अनुसार प्रतिष्ठानको ल्याबमा भएको परीक्षणको रिर्पोटमा ‘धुलोमा युरेनियम रहेको तर कति मात्रामा रहेको हो भन्ने पहिल्याउन थप परीक्षण गर्नुपर्ने उल्लेख छ।

‘हामीले प्रतिवेदन पायौँ। प्रतिवेदनमा धुलोमा युरेनियम मिसिएको देखिए पनि कति मात्रामा मिसिएको हो सो भने खुलेको छैन,’ बस्नेतले भने‘ त्यसैले यस विषयमा थप पुष्टि गर्न खानी र भूगर्भ विभागमा परीक्षणका लागि नमुना पठाएका छौँ।’

महानगरीय प्रहरी कार्यालयले फागुन २८ गते युरेनियमको बिक्री गर्न हिँडेको भन्दै चार जनालाई पक्राउ गरेर सार्वजनिक गरेको थियो। प्रहरीको दाबी अनुसार सो युरेनियम २० वर्ष अगाडि भारतबाट भित्रिएको थियो। 

प्रहरीले युरेनियम विक्री गर्न खोजेको आरोपमा रामेछाप लिखु तामाकोसी–५ बस्ने ४० वर्षीय नारायण सिंह तामाङ, काठमाडौँ बौद्ध बस्ने रामेछाप लिखु तामाकोसी–५ घर भएकी ४० वर्षीय जानुका तामाङ, रामेछाप मन्थली नगरपालिका–४ बस्ने २० वर्षीय प्रकाश चौहान र सिन्धुपाल्चोक सुनकोसी–४ बस्ने २० वर्षीय मनोज न्यौपानेलाई सार्वजनिक गरेको थियो।

 पक्राउ परेकाहरू महानगरीय प्रहरी परिसर काठमाडौँको हिरासतमा छन्। उनीहरूमाथि विस्फोटक पदार्थको कारोबारको आरोपमा म्याद थप गरेर अनुसन्धान भइरहेको एसपी बस्नेतले जानकारी दिए।

यो खबर पढेर तपाईलाई कस्तो महसुस भयो ?

सम्बन्धित समाचार

कृष्णप्रसाद हत्या अभियोग लागेका सबैलाई सफाइ दिने चितवनको फैसला सदर 

घटनाका प्रतिवादी गोरखा फुजेलका सीता अधिकारी, छविलाल पौडेल, रामप्रसाद अधिकारी, अजीव भनिने परशुराम पौडेल, हिमलाल अधिकारी, मेघनाथ पौडेल, विष्णु तिवारी, कालीप्रसाद अधिकारी, भीमसेन भनिने भीष्मराज....

शिवपुरी नागार्जुन जंगलमा लागेको डढेलो नियन्त्रणमा 

आगो नियन्त्रण लिन सिम्रिक एयरलाइन्सको हेलिकोप्टरले पानी हालेको प्रहरीले बताएको छ। यसै गरी तीन वटा दमकल पनि आगो निभाउन प्रयोग गरिएको थियो। सिम्रिक एअरको हेलिकप्टरले....

सैनिक मञ्च टुँडिखेलमा घोडेजात्रा पर्व मनाइयो

नेपाली सेनाले हरेक वर्ष जस्तै यो वर्ष पनि टुँडिखेलस्थित सैनिक मञ्चमा घोडेजात्रा पर्व मनाएको हो। पर्वका अवसरमा राइड पास/डगद्वारा मार्चपास, टांगन घोडा दौड/डगद्वारा बुकी लोटस, साइकल....

कोरोना सङ्क्रमणबाट विदेशमा रहेका ३ सय ४९ नेपालीको ज्यान गयो

समितिका अनुसार विश्वका ५४ देशमा रहेका नेपाली कोरोनाबाट सङ्क्रमित भए। कोरोना भाइरसका कारण अफ्रिका, युरोप, एसिया, अस्ट्रेलिया, अमेरिका लगायतमा रहेका २३ देशमा  ३ सय ४९....

बर्दियामा हात्तीको आक्रमणबाट एक महिलाको मृत्यु

जङ्गल छेउको बारीमा बाख्रा चराउन गएकी गेरुवा गाउँपालिका भटेरा बस्ने भुन्टी बोहराको हात्तीको आक्रमणबाट मृत्यु भएको जिल्ला प्रहरी कार्यालय बर्दियाले जनाएको छ। बोहराको लासलाई घटनास्थलबाट....