उकेरा अपडेट

जोशीको स्वास्थ्य क्रिटिकल नै

उकेरा संवाददाता


काठमाडौँ : नेपाली कांग्रेसका नेता नवीन्द्रराज जोशीको स्वास्थ्यमा शुक्रवार साँझसम्म सुधार नआइसकेको चिकित्सकले बताएका छन्।

नर्भिक अस्पतालमा उपचार गराइरहेका जोशीको स्वास्थ्य अवस्था क्रिटिकल रहेको अस्पतालका न्युरो सर्जन डा. राजीव झाले उकेरालाई जानकारी दिए। उनले भने,‘अवस्था क्रिटिकल नै छ। अहिले केही पनि भन्न गाह्रो छ।’
अहिले उनी भेन्टिलेटरमा उपचाररत छन्।
जोशीको बिहान नर्भिक अस्पतालमा टाउकामा जमेको पानी फाल्न शल्यक्रिया गरिएको थियो। टाउकामा जमेको पानी, रगत भने पाइपका माध्यमबाट बिस्तारै बाहिर आइरहेको उनले जानकारी दिए।
डा. झाका अनुसार नेता जोशीलाई शुक्रवार बिहान करिब साढे ३ बजे वीर अस्पतालबाट एक जना चिकित्सकसहित परिवारले नर्भिक अस्पताल पुराएको थियो। त्यसपछि अस्पताले आफूलाई खबर गरेको झा बताउँछन्। डा. झाले भने,‘म १०-२० मिनेटमा पुगेको थिएँ। हेर्दा खेरी उहाँ अलरेडी कोमामा हुनुहुन्थ्यो।’
डा. झाका अनुसार जोशीको आधा दिमाग (मस्तिष्क) ले काम गरेको थिएन। बान्ताहरू फोक्सोमा गएर श्वास फेर्न कठिन भएको थियो। चिकित्सकको टिमले उनलाई पाइपको माध्यमबाट श्वास फेर्न सहज बनाएको थियो।
सिटी स्क्यान गरेर हेर्दा ठुलो किसिमको मस्तिष्क घात (हेमोरेजिक स्ट्रोक) भएको देखिएको थियो। नर्भिक पुर्‍याउनु भन्दा करिब डेढ घण्टा अगाडी पनि वीर मा सिटी स्क्यान गरिएको उनले बताए। वीर को र नर्भिकको अवस्था हेर्दा खराब देखिएको डा. झाले बताए। उनले भने,‘वीर अस्पताल र नर्भिक अस्पतालको अवस्था हेर्दा एकदमै खराब भइसकेको थियो।’
जोशीको मस्तिष्कको पानी निस्कने बाटो बन्द भएको थियो। जले गर्दा टाउको फुल्दै गएको थियो। त्यसैले बिहानै टाउकाको शल्यक्रिया गरिएको डा. झाले जानकारी दिए।

यो खबर पढेर तपाईलाई कस्तो महसुस भयो ?

सम्बन्धित समाचार

कृष्णप्रसाद हत्या अभियोग लागेका सबैलाई सफाइ दिने चितवनको फैसला सदर 

घटनाका प्रतिवादी गोरखा फुजेलका सीता अधिकारी, छविलाल पौडेल, रामप्रसाद अधिकारी, अजीव भनिने परशुराम पौडेल, हिमलाल अधिकारी, मेघनाथ पौडेल, विष्णु तिवारी, कालीप्रसाद अधिकारी, भीमसेन भनिने भीष्मराज....

शिवपुरी नागार्जुन जंगलमा लागेको डढेलो नियन्त्रणमा 

आगो नियन्त्रण लिन सिम्रिक एयरलाइन्सको हेलिकोप्टरले पानी हालेको प्रहरीले बताएको छ। यसै गरी तीन वटा दमकल पनि आगो निभाउन प्रयोग गरिएको थियो। सिम्रिक एअरको हेलिकप्टरले....

सैनिक मञ्च टुँडिखेलमा घोडेजात्रा पर्व मनाइयो

नेपाली सेनाले हरेक वर्ष जस्तै यो वर्ष पनि टुँडिखेलस्थित सैनिक मञ्चमा घोडेजात्रा पर्व मनाएको हो। पर्वका अवसरमा राइड पास/डगद्वारा मार्चपास, टांगन घोडा दौड/डगद्वारा बुकी लोटस, साइकल....

कोरोना सङ्क्रमणबाट विदेशमा रहेका ३ सय ४९ नेपालीको ज्यान गयो

समितिका अनुसार विश्वका ५४ देशमा रहेका नेपाली कोरोनाबाट सङ्क्रमित भए। कोरोना भाइरसका कारण अफ्रिका, युरोप, एसिया, अस्ट्रेलिया, अमेरिका लगायतमा रहेका २३ देशमा  ३ सय ४९....

बर्दियामा हात्तीको आक्रमणबाट एक महिलाको मृत्यु

जङ्गल छेउको बारीमा बाख्रा चराउन गएकी गेरुवा गाउँपालिका भटेरा बस्ने भुन्टी बोहराको हात्तीको आक्रमणबाट मृत्यु भएको जिल्ला प्रहरी कार्यालय बर्दियाले जनाएको छ। बोहराको लासलाई घटनास्थलबाट....