शिक्षा

विद्यालय स्थानान्तरण सहज, कक्षा १० मा पनि अब भर्ना हुन सकिने

उकेरा संवाददाता


काठमाडौँ : शिक्षा मन्त्रालयले शिक्षा नियमावलीमा संशोधन गरेर कक्षा १० मा पनि भर्ना हुन पाउने प्रावधान थपेको छ। यस अगाडि कक्षा १० मा भर्ना हुन सर्तहरू राखिएको थियो। कोरोना महामारीका कारण विद्यार्थीहरू स्थानान्तरण हुन अप्ठ्यारो हुने भएपछि मन्त्रालयले नियमावली संशोधन गरेर कक्षा १० को भर्ना हुने बाटो खोलेको हो। 

यस अगाडिको नियमावलीमा कक्षा ९ सम्म मात्र भर्ना हुन सकिन्थ्यो। नियमावलीले कक्षा नौ मा जुन विद्यालयमा रजिस्ट्रेसन फाराम भरेको हो त्यहीबाट मात्र एसइईको परीक्षा दिन सकिन्थ्यो। अब त्यो बाध्यता हटेको छ। 

नियमावली संशोधन गरेर  ‘महामारी वा यस्तै अन्य विपद्का कारण पठन पाठन अवरुद्ध भई विद्यालयबाट स्थानान्तरण हुनु परेको विद्यार्थीले स्थानान्तरण भई आउन चाहेको स्थानको विद्यालयले सो ब्यहोरा खोली निवेदन दिएमा सम्बन्धित विद्यालयले त्यस्तो विद्यार्थीलाई स्थानान्तरण गर्नुपर्ने’ व्यवस्था गरेको छ।  

नियमावलीले वैवाहिक सम्बन्धको कारण वा सरकारी कर्मचारीका सरुवा भएको अवस्थामा मात्र नयाँ विद्यालयमा कक्षा १० मा भर्ना हुनसक्ने सर्त राखेको थियो।

 

यो खबर पढेर तपाईलाई कस्तो महसुस भयो ?

सम्बन्धित समाचार

मन्त्रीको स्वार्थ नमिलेपछि शिक्षक सेवा आयोग ५ महिनादेखि पदाधिकारीविहीन 

नियुक्तिमा ढिलाइ हुँदा आयोगका नियुक्ति, सरुवा, बढुवासँगै नीतिगत काम ठप्प भएका छन्।  गत भदौमा लोक सेवा आयोगका अध्यक्ष उमेशप्रसाद मैनालीको नेतृत्वमा शिक्षक सेवा आयोगका पदाधिकारी....

बीएन्डसीलाई सम्बन्धन दिने निर्णय सच्याउन काँग्रेसको माग 

‘बारम्बार यस्ता हस्तक्षेपका कार्य गर्नु खेदजनक र आपत्तिको कुरा हो,’ काँग्रेसले निकालेको विज्ञप्तिमा भनिएको,‘शिक्षामन्त्री स्वयंले प्रक्रिया मिचेर विश्वविद्यालयको स्वायत्ततामाथि हस्तक्षेप गर्दै राजनैतिक दबाब सृजना नगर्न....

यो वर्ष असार १ गतेबाट नयाँ शैक्षिक सत्र सुरु हुने

जेठ भित्र सबै परीक्षा सक्ने र कोरोना भाइरसका कारण साबिकको विद्यालय छाडेर पायक पने स्थानमा पुगेका विद्यार्थीलाई स्थानान्तरण गर्ने बाटो समेत खुला गर्ने निर्णय मन्त्रालयले....

बुर्जुवा शिक्षामा भविष्य खोज्दै पूर्वलडाकुका सन्तान 

जनवादी शिक्षा लागु गर्ने लडाइमा आमा गुमाएका अभिषेक बुर्जुवा शिक्षामै भविष्य खोजिरहेका छन्। अभिषेक अहिले कक्षा ९ मा अध्ययनरत छन्। ‘आमाको माया नपाई बाल्यकाल बित्यो,....

शिक्षककै सर्टिफिकेट नक्कली !

आयोगको तिसौँ वार्षिक प्रतिवेदन अनुसार २७ जना शिक्षक÷शिक्षिकालाई झुटा शैक्षिक प्रमाणपत्र पेस गरेको दाबी गर्दै विशेष अदालतमा मुद्दा दर्ता भयो। त्यो सूचीमा १ जना विद्यालय....