शिक्षा

विद्यालय खुले, आएनन् विद्यार्थी

भोला अधिकारी 


काठमाडौँ : सरकारले निर्णय गर्नु अगाडि नै हतारमा निजी विद्यालयहरू खुले पनि कोरोना भाइरसको सङ्क्रमणको अवस्था नसुधारिएकाले विद्यार्थी विद्यालय आएका छैनन्।

विद्यालय खोल्ने प्रस्ताव अझै मन्त्रीपरिषद्मै छ। तर स्थानीय निकायको अनुमतिका आधारमा अधिकांश निजी विद्यालय खुलिसकेका छन्। निजी तथा आवासीय विद्यालय अर्गनाइजेसन नेपाल (प्याब्सन)का महासचिव कुमार घिमिरेका अनुसार अहिले ६० प्रतिशत मात्र विद्यार्थीहरू विद्यालय आइरहेका छन्। 

अधिकांश साना कक्षाका विद्यार्थी पढ्न आएका छैनन्। कक्षा ५ भन्दा माथिल्लो कक्षाका पनि ६० प्रतिशत मात्रै विद्यार्थी विद्यालय आइरहेको सूचना आएको उनले बताए।

कति विद्यालय बन्द ? छैन तथ्याङ्क

महासचिव घिमिरेले कोरोना कहरका कारण २ हजार बढी विद्यालय बन्दै भएको दाबी गरे।

केही समय अगाडि तराइका केही जिल्लामा अनुगमन गर्न जाँदा विद्यालयहरू भत्काइरहेको देखेको बताउँदै उनले बन्द हुने निजी विद्यालयको सङ्ख्या अझ बढ्ने दाबी गरे। 

‘प्याप्सनलाई थाहै नदिई विद्यालय बन्द भइरहेका छन्। फागुन २० गतेबाट देशैभर बन्द भएका स्कुलको तथ्याङ्क सङ्कलन गर्ने तयारीमा छौ। कति स्कुल बन्द भए भन्ने चैत अन्तिममा मात्रै थाहा होला,’ प्याप्सनको महासचिव घिमिरेले भने।

काठमाडौँमा विद्यालय बन्द भएकोबारे भने जानकारी नआएको उनले बताए।

राष्ट्रिय निजी तथा आवासीय विद्यालय एसोसिएसन नेपाल (राष्ट्रिय प्याब्सन)का अध्यक्ष ऋतु सापकोटाले भने यति धेरै विद्यालय बन्द नभएको दाबी गरे।

‘केही छिट फुट विद्यालयहरू बन्द भए होलान् । तर ,हजार विद्यालय बन्द भएको छैन’ उनले भने। 

नयाँ शैक्षिक सत्रदेखि मात्रै कति निजी विद्यालय बन्द भए र कति खुले भन्ने यकिन हुने उनले बताए। उनले अहिले बन्द भएका अधिकांश निजी विद्यालय मन्टेश्वरीतहका भएको जानकारी दिए।

‘अहिले देशभर कति विद्यालय बन्द भए डिटेल जानकारी आएको छैन,’ उनले उकेरासँग भने‘ अहिले हामी बन्द हुने अवस्थामा पुगेका विद्यालयलाई के कसरी हुन्छ सञ्चालन गर्ने भन्ने योजना बनाउने प्रयासमा छौँ।’

किन भए बन्द ?

दुवै सङ्गठनको दाबी अनुसार महेन्द्र राजमार्गको तराई भागका निजी विद्यालयहरू बढी बन्द भइरहेका छन्। तराईका विकट गाउँका र पहाडी इलाकामा विद्यार्थी विद्यालय आउन छाडेकाले ती विद्यालय सङ्कटमा परेको उनीहरूको बुझाइ छ। विद्यालय आएका विद्यार्थी पनि थोरै छन्। 

प्याब्प्सनमा महासचिव घिमिरे भन्छन्,‘पहाड र तराईका विद्यालयमा त ७० प्रतिशत विद्यार्थी पढ्न आएका छैनन्। कोही कता गए, कोही कता। निजीमा पढ्नेहरु पनि सरकारी विद्यालय खुल्ने समय कुरेर बसेका छन्। केहीले विद्यालय बदलेको देखियो।’

राष्ट्रिय निजी तथा आवासीय विद्यालय एसोसिएसन नेपाल (राष्ट्रिय प्याब्सन)का अध्यक्ष सापकोटाका अनुसार ५ कक्षासम्म सञ्चालनमा आएका केही निजी विद्यालय बन्द भएको खबर आएका छन्। 

उनलेसानो कक्षा सञ्चालन गरेका विद्यालयहरूको अवस्था नाजुक रहेको बताए। 

यो खबर पढेर तपाईलाई कस्तो महसुस भयो ?

सम्बन्धित समाचार

मन्त्रीको स्वार्थ नमिलेपछि शिक्षक सेवा आयोग ५ महिनादेखि पदाधिकारीविहीन 

नियुक्तिमा ढिलाइ हुँदा आयोगका नियुक्ति, सरुवा, बढुवासँगै नीतिगत काम ठप्प भएका छन्।  गत भदौमा लोक सेवा आयोगका अध्यक्ष उमेशप्रसाद मैनालीको नेतृत्वमा शिक्षक सेवा आयोगका पदाधिकारी....

बीएन्डसीलाई सम्बन्धन दिने निर्णय सच्याउन काँग्रेसको माग 

‘बारम्बार यस्ता हस्तक्षेपका कार्य गर्नु खेदजनक र आपत्तिको कुरा हो,’ काँग्रेसले निकालेको विज्ञप्तिमा भनिएको,‘शिक्षामन्त्री स्वयंले प्रक्रिया मिचेर विश्वविद्यालयको स्वायत्ततामाथि हस्तक्षेप गर्दै राजनैतिक दबाब सृजना नगर्न....

यो वर्ष असार १ गतेबाट नयाँ शैक्षिक सत्र सुरु हुने

जेठ भित्र सबै परीक्षा सक्ने र कोरोना भाइरसका कारण साबिकको विद्यालय छाडेर पायक पने स्थानमा पुगेका विद्यार्थीलाई स्थानान्तरण गर्ने बाटो समेत खुला गर्ने निर्णय मन्त्रालयले....

विद्यालय स्थानान्तरण सहज, कक्षा १० मा पनि अब भर्ना हुन सकिने

यस अगाडिको नियमावलीमा कक्षा ९ सम्म मात्र भर्ना हुन सकिन्थ्यो। नियमावलीले कक्षा नौ मा जुन विद्यालयमा रजिस्ट्रेसन फाराम भरेको हो त्यहीबाट मात्र एसइईको परीक्षा दिन....

बुर्जुवा शिक्षामा भविष्य खोज्दै पूर्वलडाकुका सन्तान 

जनवादी शिक्षा लागु गर्ने लडाइमा आमा गुमाएका अभिषेक बुर्जुवा शिक्षामै भविष्य खोजिरहेका छन्। अभिषेक अहिले कक्षा ९ मा अध्ययनरत छन्। ‘आमाको माया नपाई बाल्यकाल बित्यो,....