प्रदेश

उच्चस्तरीय शिक्षा आयोगको प्रतिवेदन सार्वजनिक गर्ने दुई संस्थालाई कारबाही

उकेरा संवाददाता


काठमाडौं : उच्चस्तरीय राष्ट्रिय शिक्षा आयोगको प्रतिवेदन सार्वजनिक गर्ने दुई गैरसरकारी संस्थालाई सरकारले कारबाही गरेको छ।

शिक्षा, विज्ञान तथा प्रविधि मन्त्रालयले आइतबार सूचना सार्वजनिक गर्दै २०७५ माघमा प्रधानमन्त्री केपी शर्मा ओलीसमक्ष पेश गरेको प्रतिवेदन सरकारको स्वीकृतिबिना लोगो प्रयोग गरी सार्वजनिक गरेको जनाउँदै कारबाही गर्ने जनाएको छ। 

शिक्षाका लागि राष्ट्रिय अभियान नेपाल र एनसिई नेपालको सदस्य संस्था ग्लोबल एक्सन नेपाल नामक गैरसरकारी संस्थाद्वारा सरकारको निसान छाप प्रयोग गरी मन्त्रालयको नामबाट प्रकाशित गरिएको प्रतिवेदन र यसलाई सार्वजनिक गरेको भन्ने समाचारप्रति मन्त्रालयले आपत्ति जनाउँदै कारबाही प्रक्रिया अघि बढाएको हो।  

‘मन्त्रालयद्वारा जारी विज्ञप्तिमा अनधिकृत रूपमा उल्लेखित गैरसरकारी संस्थाहरूले मन्त्रालयको नाम र नेपाल सरकारको निसान छाप प्रयोग गर्नुका साथै नेपाल सरकारमा रहेको प्रतिलिपि अधिकारको समेत उल्लंघन गरेको देखिएको हुँदा यस विषयमा प्रचलित कानुनबमोजिम कारबाहीका लागि सम्बन्धित निकायमा लेखी पठाइएको छ,’ सहसचिव दीपक शर्माद्वारा जारी विज्ञप्तिमा भनिएको छ। 

मन्त्रालयले प्रतिवेदन सार्वजनिक गर्नमा संलग्न शिक्षाका लागि राष्ट्रिय अभियान नेपाल र ग्लोबल एक्सन नेपालसँग शिक्षाका क्षेत्रमा मन्त्रालय अन्र्तगतका निकायले गर्दै आएको सहकार्य मंसिर २१ गतेको निर्णय अनुसार विच्छेदन गरिएको समेत उल्लेख गरेको छ। 

मन्त्रालयले यस प्रकारका अनधिकृत कार्य गर्ने संस्था वा निकायसँग मन्त्रालय र अन्र्तगतका निकायबाट शैक्षिक कार्य गर्न/गराउन कुनै पनि सिफारिस नहुने व्यहोरा समेत शिक्षामा संलग्न विकासका साझेदार लगायत सबैलाई जानकारी समेत गराएको छ।   
 

यो खबर पढेर तपाईलाई कस्तो महसुस भयो ?

सम्बन्धित समाचार

कैलालीमा थप ४ जना कोरोना सङ्क्रमितको मृत्यु

घोडाघोडी नगरपालिका १ सुखडकी ५७ वर्षीय महिला, पर्वत घर भई कञ्चनपुर पुनर्वास नगरपालिका ७ बस्ने ७६ वर्षीया महिला, कैलाली गोदावरी नगरपालिका २ का ३८ वर्षीय....

कोरोना नियन्त्रणमा गण्डकी प्रदेशः ४० प्रतिशत संक्रमणदर, ४०० आइसोलेशन, २८० आइसियु,६७ भेन्टिलेटर

कोरोनाको बढ्दो चापका कारण कास्कि लगायतका गण्डकी प्रदेश भित्रका व्यापारिक शहरहरुमा निषेधाज्ञ लागु भइसकेको छ।  हाल सम्म गण्डकि प्रदेशमा १९४२४ संक्रमीत भेटिएकोमा  १७९०० निको भएसकेका....

वीरेन्द्रनगरले सञ्चालनमा ल्यायो २५ शेैयाको कोभिड अस्पताल

कटुवा स्वास्थ्य चौकीमा निर्माण गरिएको अस्पतालको शुक्रवार नगर प्रमुख देवकुमार सुवेदी उद्घाटन गरेका हुन् । कोरोना भाइरसको नयाँ भेरियन्ट तीव्र रूपमा फैलिरहेको बेला सङ्क्रमितको सहज....

काँग्रेस सुनसरी पार्टी कार्यालयमा आइसोलेसन बनाइने, मेयरका गाडी एम्बुलेन्सको रूपमा प्रयोग 

कोइरालाले कोरोना जोखिमको मध्यनजर गरेर सबैले आआफ्नो ठाउँबाट सहयोग गर्नुपर्ने बताए। उकेरासँग कुरा गर्दै उनले महामारीको बेला पार्टी भन्दा माथि उठेर मानवीय हितको लागी लड्नुपर्ने....

बिरामीले भरियो सेती अस्पताल : उपचार नपाउँदा ६ जनाको मृत्यु 

सेती अन्तर्गत रहेको ५५ शय्याको अस्थायी कोरोना अस्पताल भरिएको  र १५ शय्याका आकस्मिक कक्ष पनि भरिए पछि आकस्मिक कक्षकै ग्यालरीबाटै उपचार थालिएको अस्पतालका सूचना अधिकारी....