उकेरा जुनियर

गुरुचेला

नीतिकथा

उकेरा संवाददाता


एकमनले त उसले भर्खरै जाँउ कि फलाम किन्न भनेर सोंच्यो तर उत्तिखेरै फेरी जब भोली गएर फलाम ल्याईहाल्छु भने अहिले एकछिन आराम किन नगर्ने भन्ने सोंचेर उ आज बजार नजाने निधो गर्यो ।

निकै पहिेलेको कुरा हो एकजना गुरुका थुप्रै चेलाहरु थिए । ती चेलाहरु मध्ये एकजना चेला निकै अल्छी थिए । ती अल्छी चेलाको भविष्यलाई लिएर गुरु निकै चिन्तित हुने गर्थे । उनलाई लाग्थ्यो यो अल्छीले जिन्दगीमा केही प्रगति गर्न सक्दैन । हुन पनि असल गुरुले आफ्ना चेलाहरु आफुभन्दा पनि विद्वान बनुन् भन्ने चाहन्छन् । गुरुलाई पनि आफ्नो चेलालाई कसरी समयको महत्व बुझाउँ भन्ने लागिरहन्थ्यो । यहि कुरा सोंच्दा सोंच्दै एकदिन गुरुले चेलालाई एउटा अनौठो ढुंगा दिँदै भने,

"बाबु यो ढुंगामा एउटा विशेष शक्ति छ । यसले कुनै फलामलाई छोयो भने त्यो फलाम सुनमा परिणत हुन्छ । मैले आज यो विशेष ढुंगा तिमीलाई दिएर जान्छु, म भोली साँझ फर्किदा तिमीले यो मलाई फिर्ता गरिहाल्नुपर्छ ।"

चेलालाई पनि निकै खुशी लाग्यो गुरुले आफुलाई त्यस्तो विशेष जादुमयी ढुंगा दिएकोमा उ गुरुप्रति निकै आभारी भयो । गुरुले त्यो ढुंगा चेलाको हातमा राखिदिँदै फेरी सम्झाए,

"भोली तिम्रो र मेरो भेट हुने बित्तिकै यो ढुंगा बिनाकुनै आनाकानी तिमीले फिर्ता गर्नु पर्नेछ नि ।" यति भनेर गुरु त्यहाँबाट हिँडे ।

चेला यति खुशी थियो कि उसले अब कसरी फलाम जम्मा गरेर त्यसलाई सुनमा परिणत गर्नेहोला भनेर कल्पना गर्न शुरु गर्यो । निकै मिठा मिठा कल्पनाहरु आए उसको दिमागमा । बजार जानुपर्ला , त्यहाँबाट फलाम पसलमा गएर थुप्रै फलाम किन्नुपर्ला अनि त्यो ल्याएर यो ढुंगा छुवाउँदै फलामलाई सुन बनाउनु पर्ला । अनि त्यो सुन कहाँ लगेर बेच्ने भनेर पनि उसले कल्पना गर्न थाल्यो । त्यसपछी उसँग जम्मा हुने पैसाहरु सम्झिँदा त उसलाई नाँचु नाँचु लाग्न थाल्यो ।

एकमनले त उसले भर्खरै जाँउ कि फलाम किन्न भनेर सोंच्यो तर उत्तिखेरै फेरी जब भोली गएर फलाम ल्याईहाल्छु भने अहिले एकछिन आराम किन नगर्ने भन्ने सोंचेर उ आज बजार नजाने निधो गर्यो ।

भोलीपल्ट बिहान उठेपछि उसले अब बजार जानुपर्यो भनेर मन गर्दागर्दै उसको दिमागमा अर्को कुरा आयो , म भोकै गएँ भने त धेरै फलाम बोक्न सक्दिन, त्यसैले मज्जाले खाना खाएर जान्छु । यहि सोंचेर उ मिठो मिठो खाना पकाउनतिर लाग्यो । खाना पाक्यो, उसले खायो । खाना खाएपछि उसलाई अल्छी लाग्दै आयो । अनि उसले फेरी सोंच्यो , एक छिन आराम गरेर गएँ भने त शरीरमा स्फुर्ती आउँछ अनि धेरै फलाम बोक्न सक्छु ।

यो सोच बनाएपछि उ ओछ्यानमा पल्टियो । एकैछिनमा उसलाई गहिरो निद्रा पर्यो । आँखा खुल्दा घाम डुब्ने तरखरमा थियो । अब त गुरु आउने बेला पनि भईसक्यो भनेर हतारिंदै बजार जान भनेर के आँटेको थियो, गुरु त ठ्याक्कै ढोकामै आईपुगे ।

शर्त अनुसार अब त्यो जादुमयी ढुंगा गुरुलाई फिर्ता गर्ने पर्नेभयो । तैपनि उसले गुरुको पाउमा पर्दै अझै एकैछिनको लागि त्यो ढुंगा दिन अनुरोध गर्यो तर समय बितिसकेको थियो र त्यो अमूल्य समयलाई चेलाले गुमाईसकेको थियो । गुरुले, "अब यो संभव छैन " भन्दै त्यो ढुंगा फिर्ता लिएर त्यहाँबाट गए ।

चेलाले जिन्दगीको एउटा अनमोल शिक्षा पाईसकेको थियो ।

 

यो खबर पढेर तपाईलाई कस्तो महसुस भयो ?

सम्बन्धित समाचार

प्रधानमन्त्री ओलीले बालबालिकालाई भने‘इमानदार हुनु’

प्रधानमन्त्रीको निजी सचिवालयले जारी गरेको प्रेस नोटमा उल्लेख भए अनुसार प्रधानमन्त्री ओलीले बालबालिकालाई आफ्नो कामप्रति इमानदार रहन सम्झाउँदै  पढाइ वा खेल जुनसुकै क्षेत्रमा पनि इमानदार....

जीवजन्तुका केही रमाईला तथ्यहरु !

हौसला

आफ्ना साथी त्यहाँ खसेपछि सबै भ्यागुतोहरुलाई निकै चिन्ता लाग्यो । उनीहरुले आफ्ना खसेका साथीहरुलाई कुनै पनि हालतमा निकाल्न सक्दैनथे । खसेका दुवै भ्यागुताहरुले आफ्नोतर्फबाट बाहिर....

माछाको मज्जाको संसार !

* शार्क ह्वेल माछा सबैभन्दा ठूलोमाछा हो जसको लम्बाई १२ मिटर जति हुन्छ अनि तौल १८ टन भन्दा बढि हुन्छ। * सेलफिस सबैभन्दा छिटो कुद्ने....

'सुन्तला' रंग पहिले कि फल ?

वास्तवमा अरेञ्जको मूल उत्पती संस्कृत शब्दबाट भएको मानिन्छ । संस्कृतमा सुन्तलाको रुखलाई 'नारंग' भनिन्छ । हुन त प्राचिन पर्सियन भाषामा पनि सुन्तलालाई ' नारंग 'नै....