आईपीएलमा चेन्नईमाथि गुजरातको सहज जित, गिल र सुदर्शनको शतक
काठमाडौं : इन्डियन प्रिमियर लिग आईपीएलमा गुजरात टाइटन्सले चेन्नई सुपर किंग्समाथि सहज जित निकालेको छ।
गुजरातको नरेन्द्र मोदी स्टेडियममा शुक्रबार राति भएको खेलमा गुजरात ३५ रनले विजयी बनेको हो।
२३२ रनको लक्ष्य पछ्याउन मैदानमा उत्रेको चेन्नईले निर्धारित २० ओभरमा ८ विकेटको क्षतिमा १९६ रन मात्र बनाउन सक्यो।
लक्ष्य पछ्याउने क्रममा चेन्नईले निकै खराब सुरुवात गरेको थियो।
गुजरातका लागि शुभमन गिलले ५५ बलमा ९ चौका र ६ छक्का सहित १०४ रन बनाए। साइ सुदर्शनले ५१ बलमा ५ चौका र ७ छक्का सहित १०३ रन जोडे। उनीहरूले गरेको २१० रनको साझेदारी आईपीएलको सबैभन्दा ठूलो साझेदारीसमेत हो।
चेन्नईले ८ विकेटको क्षतिमा १९६ रन मात्र बनाउन सक्यो। चेन्नईका लागि ड्यारील मिचेलले सर्वाधिक ६३ रन बनाउँदा मोइन अलिले ५६ रन जोडे।
प्लेअफमा सजिलै पुग्ने चेन्नईको सपनामा यो हारले धक्का लागेको छ। १२ खेलपछि चेन्नई १२ अंकसहित तेस्रो स्थानमा छ।
गुजरात १२ खेलबाट १० अंकसहित आठौं स्थानमा छ।
वैशाख २९, २०८१ शनिबार ०७:०९:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
